Wani jigon jam’iyyar All Progressives Congress (APC), kuma tsohon dan majalisar wakilai, Chidi Wihioka, ya fice daga jam’iyyar.
Wannan dai na zuwa ne sa’o’i kadan, bayan da tsohon shugaban riko na hukumar raya yankin Neja Delta, Dame Ibim Semenitari ya yi murabus daga jam’iyyar.
Wihioka wanda babban aminin Sanata Magnus Abe ne ya bayyana a cikin wasikar murabus dinsa da ya aike wa shugaban jam’iyyar APC a shiyyar sa (Elele Ward 3) a jihar Ribas cewa, ya yanke shawarar ficewa daga jam’iyyar ne, saboda babban hannun wani mutum daya da yake ganin ya yi ya mallaki jam’iyyar.
Sanarwar ta kara da cewa, “Ina so in sanar da ku ficewar na daga jam’iyyar All Progressives Congress, APC. Na yanke shawarar ne bisa girman girman mutum daya mai tunani, kuma ya yi imanin cewa, shi ne ya mallaki jam’iyyar a Jihar Ribas da kin amincewa da zaman lafiya a mulki a jam’iyyar ta hanyar bai wa kowa a jam’iyyar damar taka rawa.
Subscribe to Our VIP Newsletter
[newsletter_signup_form id=1]
