Dan jarumin ne ya sanar da mutuwarsa a daren ranar Laraba, inda ya ce, mahaifinsa ya mutu ne a ranar a asibitin Kokilaben Dhirubhai Ambani, ya na da shekara 93 a duniya.
Ramesh ya fito a fina-finan Indiya sama da 250, ya kuma shafe wajen shekara 60 a na damawa da shi a masana’antar Bollywood.
Jarumin ya yi fice wajen taka rawa daban-daban a cikin fina-finai, tun daga kan likita, mugu, mahaifi da sauransu.
Wasu daga cikin fina-finansa da suka yi fice sun hada da Aarti, Anand, Aap Ki Kasam, Mere Apne, Jeevan Mrityu, Saraswatichandra, Teen Bahuraniyan, Khilona, Ghayal Once Again, Jolly LLB da sauransu.
Kazalika, Ramesh ya ci gaba da fitowa a fina-finai masu dogon zango na yankin Marathi da sauran shirye-shiryen gidajen talabijin.
An haifi Ramesh Deo ne a yankin Amravati Maharashtra, sannan ya fara fitowa a fina-finai a 1951 a cikin fim din Paatlaachi Por.
Ramesh ya bar mata daya mai suna Seema Deo da kuma ’ya’ya biyu, Ajinkya Deo da kuma Abhinay Deo.
Subscribe to Our VIP Newsletter
[newsletter_signup_form id=1]
