Hukumar shirya jarabawar shiga makarantun gaba da sakandire JAMB, ta gano cewa daga cikin sakamako guda 148 da aka gabatar wa jami’ar Bayero Kano domin shiga jami’ar Kano kai tsaye, shida ne kawai aka samu, inda sakamakon 142 da aka ga an tafka magudi.
A cikin sanarwar da ta fitar na mako-mako kwanan nan, JAMB ta bayyana cewa daya daga cikin manyan makasudin aikin tantancewar shi ne tabbatar da cewa an yi amfani da halastattun takardu ne kawai don shiga.
Hukumar ta kara jaddada alhakin da ya rataya a wuyan cibiyoyin ilimi na tabbatar da wadannan takardu sosai.
Domin magance wannan matsalar, JAMB ta kafa tsarin tattara bayanan ilimin gaba da sakandire a Najeriya shekaru biyu da suka gabata, biyo bayan damuwar da Jami’ar Bayero ta Kano ta nuna.
Jami’ar ta bayar da rahoton cewa shida ne kawai daga cikin 148 da ta tantance na halal ne, sauran kuma na jabu ne.
Ta hanyar NIPEDS, JAMB ta sami damar gano takaddun shaida na bogi, ciki har da na cibiyoyin kasashen waje, da ake amfani da su wajen shigar da kai tsaye.
Wasu daga cikin waɗannan cibiyoyi sun riga sun ba da shawarar shigar da ‘yan takarar bisa ga waɗannan takaddun na yaudara.
An mika mutanen da ke da hannu a hannun jami’an tsaro domin gurfanar da su gaban kuliya, kuma hukumar ta JAMB ta yi gargadin cewa cibiyoyin da ke karbar ‘yan takarar da ke da takardar shaidar bogi za a dauki su a matsayin masu hannu a zamba.
Yayin da NIPEDS ke taka muhimmiyar rawa, JAMB ta jaddada cewa dole ne cibiyoyi su aiwatar da nasu hanyoyin tantancewa domin hana afkuwar lamarin.
Wani lamari mai muni da ya shafi ’yan takarar da suka gabatar da jabun sakamakon IJMBE daga ABU Zaria a kokarin neman gurbin shiga ABU da kanta.
Subscribe to Our VIP Newsletter
[newsletter_signup_form id=1]
