Mataimakin Musamman na Wike kan Hulɗar Jama’a da Sabbin Kafofin Sadarwa, Lere Olayinka, ne ya bayyana hakan a shafinsa na X a safiyar Juma’a.
A yayin ziyarar, Shugaba Tinubu ya tarbi iyalin Wike cikin farin ciki tare da yabawa kokarin ministan wajen inganta birnin tarayya, Abuja.
Tinubu ya jinjina wa Wike bisa jajircewarsa kan magance manyan matsaloli a Abuja, ciki har da inganta tsarin kula da filaye da tabbatar da bin dokoki.
A cewarsa: “Wike mutum ne mai aiki tukuru wanda ya nuna jajircewa wajen magance matsalolin da ke addabar babban birninmu. Muna godiya ga irin gudunmawar da yake bayarwa don tabbatar da ci gaba da inganta Abuja.”
Ministan ya gode wa Shugaba Tinubu bisa karimci da tarba mai kyau, yana mai cewa zai ci gaba da aiki tukuru don ciyar da babbar birnin tarayya gaba.
Subscribe to Our VIP Newsletter
[newsletter_signup_form id=1]
