Akalla jami’an tsaro 7 ne kungiyar ‘yan ta’adda ta ISWAP ta yi garkuwa da su da sanyin safiyar Asabar a karamar hukumar Gubio ta Arewa maso Gabashin jihar Borno a arewa maso gabas.
An tattaro cewa jami’an tsaron da suka hada da dan sanda daya da jami’an Civilian Joint Task Force (CJTF) hudu da kuma mafarauta 3, an yi garkuwa da su ne bayan da ‘yan ta’addan suka mamaye inda suke da yawa.
Majiyar ‘yan sanda ta shaidawa Zagazola Makama, wani kwararre kan yaki da tada kayar baya kuma mai sharhi kan harkokin tsaro a tafkin Chadi cewa an kai wa jami’an tsaron hari ne a Rural Urban Migration Site (RUGA), a kauyen Pompom Baliya da ke da tazarar kilomita 5 zuwa Gubio.
‘Yan ta’addar sun kwashe motar sintiri kirar Hilux guda daya da makamai sannan suka nufi kauyen Gadai da ke karamar hukumar Nganzai.
Subscribe to Our VIP Newsletter
[newsletter_signup_form id=1]
