Shugaba Biden na Amurka ya fito fili ya yi kira ga Isra’ila a kan ta rinka taka tsantsan, a yayin da sojojin ƙasar ke shirin fara kai hare hare ta kasa a Gaza.
Cikin wata hira da ya yi da kafar yada labaran CBS, Biden ya ce ya yi amanna za a kawar da Hamas, to amma babban kuskure ne ga Isra’ila ta mamaye Gaza.
Kazalika shugaban na Amurka, ya ce, akwai buƙatar a samu hukumar Falasdinawa, da kuma hanyar samar da ƙasar Falasdinawa.
Ya ce yana da yakinin cewa Isra’ila za ta yi aiki ne da doka a yakin da ta ke a Gaza, sannan kuma ya yi amanna cewa mutanen da ke wajen waɗanda ba suji ba su gani ba za su iya samun abinci da ruwan sha da kuma magunguna.
Subscribe to Our VIP Newsletter
[newsletter_signup_form id=1]
