Isra’ila ta umarci a rufe makarantu saboda harin Hezbollah

Isra’ila ta umarci dukkannin makarantu da ke arewacin ƙasar da su kulle har zuwa sai abin hali ya yi ya zuwa yammacin Litinin.

An kuma taƙaita taron jama’a a yankuna da dama na arewacin ƙasar da kuma wasu sassan yankin tsuburin Golan da Isra’ilar ta mamaye, inda ba a yarda mutum fiye da 10 su taru a waje sannan kuma an yarjewa mutum 100 haɗuwa a cikin gida.

Za kuma a rufe wuraren shaƙatawa

Ma’aikatar Lafiya ta Isra’ila ta ce an umarci asibitoci a arewacin Isra’ila da su yi ayyukansu a wurare masu tsaro.

Tuni dai asibitin Rambam da ke birnin Haifa ya koma ƙarƙashin ƙasa domin gudanar da ayyukansa.