Jagoran addini na Iran, Ayatollah Ali Khamenei, ya ce Isra’ila ta kaɗa gangar yaki, kuma ƙasarsa za ta ci gaba da mayar da mummunan martani kan hare-haren da ake kai ma ta.
Ya ce “bai kamata su yi tunanin cewa za su kaddamar da hare-hare kuma shikenan ba, su ne suka fara, su ne suka kunna wutar yaƙi kuma ba za mu bari su tafi haka nan ba.
A wani taron gaggawa na kwamitin tsaro na Majalisar Ɗinkin Duniya, jakadan Iran ya ce hare-haren da Isra’ila ta kai ya yi sanadin mutuwar mutum 78 – akasarinsu fararen hula – tare da jikkata wasu da dama.
An kaddamar da hare-haren ne kan cibiyoyin nukiliya da na soji, amma sun shafi fararen hula da dama.
Isra’ila ta ce ta kai farmakin ne domin hana Iran mallakar makamin nukiliya.
Subscribe to Our VIP Newsletter
[newsletter_signup_form id=1]
