A karon farko, Majalisar Ɗinkin Duniya ta saka Isra’ila da Hamas cikin jerin kasashen da suka aikata abun da ta kira abun kunyar cin zarafin Ƙananan yara.
A cikin rahotonsa na shekeara-shekara kan yadda tashe-tashen hankali ke shafar yara, Sakatare Janar, na Majalisar Ɗinkin Duniya, Antonio Guterres, ya ce yaƙin da ake yi a Gaza ya haifar da cin zarafin yara da ba a taɓa ganin irinsa ba.
Gwamnatin Isra’ila ta mayar da martani a fusace bayan ɓullar labarin shirin ɗaukar wannan mataki a makon jiya.
Firaministan ƙasar, Benjamin Netanyahu, ya bayyana matakin na Majalisar Ɗinkin Duniya a matsayin wasan kwaikwayo.
Ita dai Majalisar Ɗinkin Duniya na sakin sunayen ne domin kunyata duk ƙasar da aka samu da laifi irin wannan. In ji BBC.
Subscribe to Our VIP Newsletter
[newsletter_signup_form id=1]
