Majalisar zartaswa ta tarayya ta amince da sake duba tare da inganta albashin ‘yan sanda da kashi 20 cikin 100.
Ministan harkokin ‘yan sanda, Maigari Dingyadi ne ya bayyana hakan a ranar Laraba, bayan kammala taron majalisar zartarwa na tarayya wanda shugaban kasa, Muhammadu Buhari, ya jagoranta a sabbin zaurukan majalisar da a ka yi wa kwaskwarima.
A cewar ministan,”A na sa ran aikin bitar zai fara aiki daga watan Janairun 2022. Wannan bita ya biyo bayan bukatun da masu zanga-zangar EndSARS su ka gabatar a shekarar 2020, wanda ya shafi inganta jin dadin jami’an ‘yan sanda”.
Ya ci gaba da cewa,”Za a kara albashin daukar gida ne ta hanyar alawus din yawon bude ido zuwa kashi 6 cikin 100 na sabon albashin da za su tafi gida da kuma amincewa da Naira biliyan 1.12 domin biyan wasu fa’idodin da ba su da inshora a tsakanin shekarar 2013 zuwa 2020”. Inji Maigari.
Shugaba Buhari ya yi alkawarin cewa za a inganta albashin daidai da yadda a ke yi domin ci gaba da wanzar da zaman lafiya a kasar.
Zauren majalisar ya kuma amince da fitar da Naira biliyan 13.1 donmi biyan wasu fa’idodin mutuwa na ma’aikata 5,472 na tsawon lokacin rashin inshora na 2013 zuwa Agusta 2021.
Subscribe to Our VIP Newsletter
[newsletter_signup_form id=1]
