Hukumar zabe mai zaman kanta INEC, ta kullu wata yarjejeniya tsakaninta da kungiyar motocin haya da masu motocin da na jiragen ruwa, kan yadda za su yi jigila da ma’aikatan hukumar da kuma kayayyakin zabe a lokutan zaben 2023.
Yarjejeniyar za ta mayar da hankali kan rawar da sufuri zai taka a zabukan da za a gudanar a Najeriya a shekara mai zuwa.
A bangare guda kuma, Tarayyar Turai ta ce za ta aike da masu sa ido kan zaben da aka shirya gudanarwa a ranakun 25 ga watan Fabrairu da kuma na 11 ga watan Maris din 2023.
Yarjejeniyar an kullata ne domin ganin yadda za a kai mambobi da kuma kayayyakin aikin zaben wuraren zaben a kan lokaci kuma cikin aminci.
A yayin kulla wannan yarjejeniya, shugaban hukumar Farfesa Mahmood Yakubu, ya ce suna bukatar manyan motoci na haya da kanana har ma da jiragen ruwa domin kai wa ga garuruwan da ke kan hayi.
A cewarsa akwai bukatar mutane sama da miliyan daya da za su yi aikin da motoci sama da 100,000 da jiragen ruwa 4,200 domin yin jigilar kayayyakin aiki zuwa rumfunan zabe 176,846 a mazabu 8,809 cikin kananan hukumomi 774 na jihohin kasar 36.
Irin wannan yarjejeniya aka cimma a ranar 12 ga watan Disambar 2018, domin gudanar da zaben 2019 wanda a cewar shugaban hukumar, nasarar da aka samu ta gudanar da zaben lafiya ta sa aka kara karfafa amfani da hanyar sufurin.
Subscribe to Our VIP Newsletter
[newsletter_signup_form id=1]
