Hukumar zabe mai zaman kanta ta kasa (INEC) a jihar Kano ta ce, ta amince da rumfunan zabe 11,222 gabanin babban zabe na 2023.
Kwamishinan Zabe na INEC na Kano, Farfesa Riskuwa Arabu ne ya bayyana haka a wajen taron yini daya kan rahotannin zabe da kungiyar ‘yan jarida ta Najeriya (NUJ) reshen jihar Kano ta shirya wanda INEC ta dauki nauyinsa.
“Kafofin yada labarai na cikin hukumar INEC, suna gudanar da ayyukanmu ne ta yadda mutane ke yaba mu musamman a fannin ilimin zabe,” inji shi.
Arabu ya yi nuni da cewa, taron na mu’amalar da aka yi shi ne don a taimaka wa hukumar wajen daidaita ayyuka da tsare-tsare ta yadda za a kyautata ingancin zabe ta yadda kasar za ta samu sahihin zabe.
“Muna da gundumomi 484 na rumfunan zabe a fadin kananan hukumomi 44 na jihar,” in ji shi.
Subscribe to Our VIP Newsletter
[newsletter_signup_form id=1]
