Masu bincike kan hada-hadar kudi a kasar Indiya, sun kama wani babban jami’in gwamnati a Yammacin yankin Bengal, saboda zargin karbar cin hanci, wajen daukar malamai aiki a makarantun firamare na gawmnati.
Wani jami’in hukumar bincike kan hada-hadar kudi, ya zargi minista Partha Chatterjee, da daukar daruruwan malamai aiki da wasu ma’aikata bayan karbar cin hanci daga wajensu, inda ya kuma sanya su kan gurabe da ba su cancanta ba.
Hukumar ta ce kudi sama da dala miliyan biyu suka kwato daga gidan wata ‘yar wasan fim, wadda ke da kusanci da ministan.
An kama Mista Chatterjee a gidansa da ke Kolkata. Bai ce uffan ba kawo yanzu.
Kamen ya kawo wa ministan cikin gida, Mamata Banerjee gibi, wanda ya kasance wani mai sukar firaminista Narendra Modi.
Subscribe to Our VIP Newsletter
[newsletter_signup_form id=1]
