Shugaban ƙasa Bola Ahmed Tinubu, ya jajantawa gwamnan jihar Jigawa, Malam Umar Namadi, bisa rasuwar mahaifiyarsa, Hajiya Maryam Namadi.
Hajiya Maryam, wacce ta rasu a ranar Laraba, 25 Disamba, an binne ta tun da wuri bisa tsarin addinin Musulunci a garin Kafin Hausa, mahaifar gwamnan.
A cikin wata sanarwa da mai ba shi shawara kan harkokin yada labarai, Bayo Onanuga, ya fitar a ranar Alhamis, Shugaba Tinubu ya yaba da ayyukan alheri da marigayiyar ta yi wa al’umma, kuma ya karfafa wa iyalanta guiwa su ci gaba da ayyukan taimakon da ta assasa don tabbatar da rayuwar tarihinta.
A cikin sakon ta’aziyya, Shugaban ya bukaci Gwamna Namadi da sauran dangin marigayiyar su samu kwanciyar hankali ta hanyar tunawa da sunan kirki da ta bari a baya.
Subscribe to Our VIP Newsletter
[newsletter_signup_form id=1]
