Ina mika ta’aziya ta ga iyalan Kabir Usman Fagge tsohon ma’aikacin VOA

Shugaban Bola Ahmed Tinubu, ya nuna alhininsa kan rasuwar tsohon ma’aikacin gidan radiyon Muryar Amurka, Kabiru Usman Fagge wanda ya rasu ranar Juma’a a Amurka.

Marigayin mai shekara 77 a duniya, ya yi shuhuna tsakanin al’ummar Hausawa a faɗin duniya saboda aikin da ya yi da gidan radiyon Muryar Amurka na kimanin shekara 25.

Cikin wata sanarwar saƙon ta’aziyyar da Tinubu ya fitar, ya jinjina wa marigayin saboda ”taimakawar da ya yi wajen gina ƙasa da kuma taimakon da ya bai wa fannin ilimi”, musamman cikin fitaccen shirin da yake gabatarwa na ”Ilimi Garkuwar Dan’adam’ a kowanne mako.

“Muna jinjina masa kan yadda ya zaɓi aikin da yake son yi kuma ya haska ƙimar Najeriya a idon duniya,” in ji sanarwar.

Tinubu ya miƙa ta’aziyyarsa ga iyalan marigayin da sauran ɗaukacin al’umar Najeriya da na duniya baki ɗaya.

Subscribe to Our VIP Newsletter

[newsletter_signup_form id=1]