Tsohon dan wasan Arsenal da Real Madrid, Mesut Ozil ya nuna goyon bayansa ga Falasdinu a yakin da ake yi tsakanin Isra’ila da Hamas, kungiyar Islamic Resistance Movement.
Ozil shi ne fitaccen dan wasa na baya-bayan nan da ya nuna goyon bayansa ga Falasdinawa sakamakon rikicin yankin, bayan harin da kungiyar ta’addanci ta Hamas ta kai a Isra’ila a ranar Asabar.
Rikici tsakanin Isra’ila da Hamas ya yi kamari, wanda ya haifar da yakin soji gaba daya a zirin Gaza tun karshen makon jiya.
A cewar wani rahoto daga kungiyoyin jin kai, yakin ya riga ya lakume rayuka sama da 2,300 daga bangarorin biyu.
Da yake mayar da martani ga ci gaban, tsohon dan wasan na Jamus, a cikin wani sako ta hanyar asusunsa na X ranar Juma’a, ya kuma nemi a kawo karshen yakin, wanda kuma ya nuna goyon bayansa ga Falasdinu.
Sakon Ozil ya tafi tare da hoto mai taken ‘#FreePalestine’.
“Yin addu’a ga bil’adama. Yin addu’ar samun zaman lafiya,” dan shekaru 34 ya rubuta tare da emojis na addu’a guda biyu da tutar Falasdinu.
“Mutane da ba su ji ba ba su gani ba musamman yara marasa laifi suna rasa rayukansu a yakin – a bangarorin biyu. Yana da ban tausayi sosai & bakin ciki. DON ALLAH A DAINA YAKI!!!
Subscribe to Our VIP Newsletter
[newsletter_signup_form id=1]
