Ina goyon bayan CBN na sauya kudi – Ben Bruce

Tsohon dan majalisar dokokin kasa, Ben Murray-Bruce, ya bayyana dalilin da ya sa gwamnonin jam’iyyar All Progressives Congress (APC) suka kai wa shugaban kasa Muhammadu Buhari ziyara.

Murray-Bruce ya tambayi dalilin da ya sa gwamnonin APC suka ziyarci Buhari kan sauya fasalin Naira, inda ya ce ba za su iya kai irin wannan ziyarar ba yayin da kungiyar malaman jami’o’i, ASUU, ke yajin aiki.

Wannan bayanin nasa na kunshe ne a wani sako da ya wallafa ta shafin sa na Twitter da aka tabbatar a ranar Asabar.

Karanata Wannan: ‘Yan Najeriya za ku ci gajiyar sauya kudi na CBN – Peter Obi

Tsohon dan majalisar ya ce yana goyon bayan Godwin Emefiele, gwamnan babban bankin Najeriya, CBN, yana mai cewa yana kan hanya.

Ya rubuta: “Amma me ya sa Gwamnonin APC ke ziyartar Buhari kan sake fasalin Naira? Sau nawa suka ziyarci Buhari lokacin da suka ki biyan albashin ma’aikatan gwamnati? A lokacin da dalibai miliyan 3 ke gida saboda yajin aikin ASUU, ba su je ba. Emefiele yana kan hanya. Ina goyon bayansa!”

Subscribe to Our VIP Newsletter

[newsletter_signup_form id=1]