Ina ban kwana da shugabanci kuma Trump babban matsala ne ga Amurka – Biden

Joe Biden ya yi jawabin ban-kwana a Babban Taron Jam’iyyar Democrat da ake yi a Chicago, inda ya gabatar da jawabi mai sosa zuciya.

Ya ba zangon mulkinsa kariya, inda ya ƙara nanata wasu daga cikin ƙudurorinsa kafin ya ajiye takararsa na Shugaban Ƙasar Amurka a watan Yuli.

Mista Biden ya bayyana wa magoyansu cewa akwai aiki babba a gabansu ‘na ceto Amurka’, sannan ya bayyana Donald Trump a matsayin barazana ga Dimokraɗiyya.

Haka kuma ya yaba wa mataimakiyarsa Kamala Haris, wadda yake hanƙoron ganin ta maye gurbinsa a Fadar White House. (Wakilai za su tabbatar da zaɓenta a matsayin ƴar takarar Shugaban Ƙasa a Jam’iyyar Democrat a zaɓen Nuwamba da ke tafe a Babban Taron da zai ɗauki kwana huɗu.)