Hukumar yaki da cin hanci da rashawa mai zaman kanta, ICPC, ta ce ta kama wata mata da aka bayyana sunanta, Simisola, bisa zarginta da sayar da takardar kudin Naira da aka sauya ta kafafen sada zumunta.
Mai magana da yawun hukumar ta ICPC, Misis Azuka Ogugua, wacce ta bayyana hakan a cikin wata sanarwa a ranar Laraba, ta ce wanda ake zargin mai shafin Twitter @Simisola na Lala, tana hada baki da wasu abubuwa na tsarin kudi domin karkatar da sabbin takardun kudi.
A cewar kakakin, an kama wanda ake zargin ne sakamakon bayanan sirri da jami’an hukumar suka samu.
Ta bayyana cewa ana zargin wanda ake zargin yana amfani da damar karancin kudin na naira wajen tallata takardun ga ‘yan Najeriya a fili.
Karanta Wannan:Â CBN bai shirya ba kwata-kwata – Badaru
“An yi imanin cewa tana hada baki da wasu muhimman abubuwa a fannin hada-hadar kudi suna karkatar da sabbin takardun kudi daga dakunan banki da hanyoyin biyan kudi zuwa ‘bakar kasuwa,” in ji ta.
A halin yanzu dai daukacin al’ummar kasar na fama da karancin kudaden da aka yi wa gyaran fuska na Naira duk kuwa da tabbacin da babban bankin Najeriya CBN ya bayar.
Subscribe to Our VIP Newsletter
[newsletter_signup_form id=1]
