Hukumar kula da ayyukan ‘yan sanda ta dakatar da wasu jami’ai da ke tare da Abba Kyari a zargin harkallar kwayoyi da a ke yi musu.
Wannan na zuwa ne kwanaki kadan, bayan da hukumar NDLEA ta sanar da neman Abba Kyari tare da kama shi da aka yi.
Abba Kyari da wasu mutum hudu ‘yan tawagarsa na kan zargin safarar miyagun kwayoyi ta kasa da kasa.
Jaridar Guardian ta rawaito cewa, hukumar kula da ayyukan ‘yan sanda ta dakatar da ACP Sunday Ubua da ASP James Bawa daga aiki daga ranar Litinin 14 ga Fabrairu, 2022.
Jami’an ‘yan sandan biyu na aiki ne a karkashin DCP Abba Kyari da aka dakatar a cikin tawagar leken asiri ta IRT ta rundunar ‘yan sandan Najeriya.
Hukumar ta kuma umarci Sufeto Janar na ‘yan sanda da ya kuma lura cewa, DCP Abba Kyari, wanda kafin zargin NDLEA dama ya na kan dakatarwa, zai ci gaba da kasancewa har sai an kammala bincike. An bukaci Sufeto-Janar na ‘yan sandan da ya dakatar da Sufeto Simon Agrigba da Sufeto John Nuhu bisa ga ikon tawagar.
Subscribe to Our VIP Newsletter
[newsletter_signup_form id=1]
