Shugaban hukumar ƙwallon ƙafa ta duniya Fifa, Gianni Infantino, ya ce ba zai taɓa raina gawar Pele ba bayan an gan shi yana ɗaukar hoton selfie a kusa da akwatin gawar shahararren ɗan ƙwallon.
Infantino ya ɗauki hoto da wasu daga cikin tsofaffin abokan Pele a ranar Litinin, abin da ya jawo mutane suka dinga sukarsa cewa bai nuna girmamawa ba ga ɗan wasan na Brazil da ya mutu yana da shekara 82.
Shugaban na Fifa ya ce ya ɗauki hoton ne saboda ya lura abokan na Pele sun kasa danna wayoyinsu.
“Na karɓi wayar ɗaya daga cikinsu kuma na ɗauki hotonmu gaba ɗaya,” a cewarsa.
“Idan taimaka wa ɗaya daga cikin abokan Pele zai jawo suka haka, ina farin cikin ɗaukar sukar kuma zan ci gaba da taimaka wa waɗanda suka taimaka wajen rubuta tarihin ƙwallon ƙafa.”
Subscribe to Our VIP Newsletter
[newsletter_signup_form id=1]
