Hukumar Hisbah ta jihar Kano ta ce, ta kama fitaccen mai amfani da shafukan sada zumuntar nan da aka fi sani da G-Fresh
Babban daraktan hukumar Mallam Abba Sufi ne ya tabbatar wa BBC labarin kama matashin.
Ya ce hukumar ta kama shi bayan jerin gargaɗin da ta yi masa sakamakon abubuwan da yake wallafawa a shafukan sada zumunta.
”Mun kama shi ne bayan tarin gargaɗin da nasiha da muka sha yi masa kan abubuwan na baɗala da rashin kunya da yake wallafawa shafukansa na sada zumunta,”, in ji Abba Sufi.
Abba Sufi ya ce hukumar Hisba za ta gurfanar da shi matashin a gaban kotu ranar Litinin
Al’amen G-Fresh dai ya yi fice a shafukan sada zumunta musamman TikTok, inda yake wallafa bidiyoyin da ba su dace ba, lamarin da ya sa hukumar Hisbar ta ce ta yi masa gargadi da nasiha amma bai ɗauka ba.
Subscribe to Our VIP Newsletter
[newsletter_signup_form id=1]
