Manchester United ta yi watsi da rade-radin cewa Cristiano Ronaldo ya koma Sporting Lisbon.
CaughtOffiside ya wallafa a ranar Alhamis cewa Ronaldo ya dawo Sporting Lisbon kashi 99 cikin 100.
Koyaya, wata majiya ta Old Trafford ta shaida wa Daily Mail cewa, har yanzu ana sa ran dan wasan Portugal mai shekaru 37 zai ci gaba da zama tare da Manchester United a wannan bazarar.
Kulob din dai yana iya sake siyan wasu ‘yan wasa hudu kafin rufe kasuwar saye da sayar da ‘yan wasa a mako mai zuwa.
Duk da kasa samun ci gaba kan yarjejeniyar fan miliyan 70 kan Frenkie de Jong tun watan Mayu, talkSPORT ta fahimci United ba ta daina zawarcin dan wasan na Barcelona ba.
Ana sa ran Manchester United za su gabatar da tayi na uku na neman dan wasan gaban Ajax Antony ranar Juma’a kuma za su ci gaba da sha’awar Cody Gakpo na PSV Eindhoven.
A halin yanzu, United na son dauko Martin Dubravka daga Newcastle a matsayin madadin David de Gea.
Subscribe to Our VIP Newsletter
[newsletter_signup_form id=1]
