Liverpool ta tabbatar da cewa kofar cin kofin gasar Premier League ta cigaba da zama a bude, bayan da ta doke Burnley da ci 1-0 mai ban haushi.
Dan wasan tsakiyar Brazil Fabinho ne ya ci kwallon ana dab da tafiya hutun rabin lokaci a filin Turf Moore.
Hakan na nufin Liverpool ta kara matse Manchester City da ke ci gaba da zama na daya a kan teburi.
Kafin wasan Manchester ta hada maki uku a gidan Norwich jiya Asabar, wanda hakan ya bata damar kankane teburin da maki 63 a wasa 25.
To amma nasarar Liverpool a yau na nufin ta kara dannawa bayan City da maki 54 a wasanni 24.
Kazalika kungiyar ta Mersyside na da kwanton wasa daya, kuma idan ta yi nasara ratar da ke tsakaninta da Man City za ta dawo maki bakwai.
Subscribe to Our VIP Newsletter
[newsletter_signup_form id=1]
