Wani dan takarar shugaban kasa a jam’iyyar People’s Democratic Party (PDP), Dr Nwachukwu Anakwenze, ya musanta cewa an hana shi shiga zaben fidda gwani na jam’iyyar, gabanin babban zaben shekara mai zuwa.
Anakwenze, wanda ya bayyana hakan a lokacin da yake bayyana ajandarsa mai taken ‘Begen Najeriya a takaice’, a Abuja, ya bayyana cewa kwamitin tantancewar ya nemi ya kara kawo wasu takardu game da kansa.
“Har yanzu ina cikin yan takara. Ba a kore ni ba. Sai dai kwamitin tantancewar ya ce in kawo wasu takardu,” inji shi.
Idan aka zabe shi a matsayin shugaban kasa, ya yi alkawarin magance cin hanci da rashawa; inganta tsaro na hakika a fadin Najeriya; mayar da hankali kan ci gaban matasa da mata da karfafa tattalin arziki; tabbatar da tsaro a makarantu da kuma gyara tsarin ilimi.
Ya kuma yi alkawarin samar da ayyukan yi; haɓaka tsarin kula da lafiya na duniya; farfado da noma; jagoranci kasar zuwa ga saurin juyin juya halin masana’antu; bunkasa harkokin yawon bude ido, da kuma inganta martabar Najeriya.
Subscribe to Our VIP Newsletter
[newsletter_signup_form id=1]
