Yayin da jihar Yobe ke cika shekaru 31, Gwamna Mai Mala Buni, ya dora wa al’ummar jihar da su ci gaba da yi wa jihar addu’ar samun zaman lafiya da kwanciyar hankali.
Buni ya bayyana hakan ne a cikin sakon taya murna ga al’ummar jihar ta hannun Kakakinsa, Mamman Mohammed.
Gwamnan ya yabawa shuwagabannin da suka gabata da al’ummar jihar bisa irin gudumawar da suka bayar na daidaiku da kuma hadin kai wajen dora jihar kan turbar zaman lafiya da ci gaba.
Ya ce kowa da kowa daga cikin shugabannin da suka shude ya bayar da gudunmawa sosai wajen ganin jihar ta kasance a halin yanzu yayin da jama’a suka ba da goyon baya da hadin kai wajen gina jihar.
“A matsayinku na shugabannin jihar a lokuta daban-daban, kun ba da gagarumar gudunmawa ga jihar, wanda ya sa dukkanmu alfahari”, in ji shi.
Gwamna Buni ya kuma yabawa al’ummar jihar Yobe na gida da waje bisa goyon baya da gudunmawar da suke baiwa gwamnatoci daban-daban a jihar.
“Karfin karfin ku ya sa wannan gwamnati ta yi gaggawar gina jihar da kuma farfado da jihar bayan tsawon shekaru goma na rikicin Boko Haram,” in ji shi.
Buni ya bada tabbacin cewa gwamnatin sa za ta ci gaba da aiwatar da ayyuka da tsare-tsare na jama’a domin inganta rayuwar jama’a, tare da addu’ar karin shekaru da samun ingantacciyar zaman lafiya, tsaro, wadata da ci gaban jihar cikin gaggawa.
Subscribe to Our VIP Newsletter
[newsletter_signup_form id=1]
