Dan takarar gwamnan PDP a jihar Ogun, Hon. Ladi Adebutu, ya bukaci gwamnan jihar Ribas, Nyesom Wike da sauran wadanda suka kasa amincewa da Iyorchia Ayu a matsayin shugaban jam’iyyar PDP na kasa da su fice daga jam’iyyar.
Wike da wasu gwamnoni hudu na jam’iyyar PDP sun dage cewa Ayu ya yi murabus a matsayin shugaban jam’iyyar ko kuma ba za su goyi bayan takarar shugaban kasa na Atiku Abubakar ba.
A cewarsu, Ayu ya yi alkawarin cewa zai yi murabus idan dan arewa ya fito a matsayin dan takarar shugaban kasa a jam’iyyar PDP.
Bayan da Atiku ya lashe zaben fidda gwani na jam’iyyar PDP da aka gudanar a watan Mayu, Wike da magoya bayansa sun sha rokon Ayu da ya yi murabus, duk da kokarin kwantar da hankulan su ya ci tura.
Ya kara da cewa: “Mu maida hankali, nan da ‘yan makonni masu zuwa za mu samu ‘yanci; kuma idan mun sami ‘yanci za mu ci gaba da tafiya”.
Ya zargi jam’iyyar APC mai mulki da gazawa wajen samar da tsaro, kyakkyawan shugabanci da abinci ga talakawa.
Subscribe to Our VIP Newsletter
[newsletter_signup_form id=1]
