Gwamnatin tarayya ta ce, kowane dan Najeriya da ya dawo daga kasar Ukraine zai samu dala 100 idan ya isa filin jirgin sama na Nnamdi Azikwe dake Abuja.
A safiyar Juma’a ne jirgin Air Peace ya fara kwashe ‘yan Najeriya da suka tsere daga Ukraine ta Poland.
Kimanin ‘yan Najeriya 2,000 ne aka ce sun tsere daga kasar Ukraine a lokacin da Rasha ta mamaye kasar.
A ranar Laraba ne gwamnatin tarayya ta amince da dala miliyan 8.5 domin kwashe ‘yan Najeriya da suka makale a yakin Rasha da Ukraine.
A cewar Karamin Ministan Harkokin Waje, Zubairu Dada, kasashen da za a fara jigilar jirage sun hada da Poland, Hungary, Slovakia, da Romania.
Jirage biyu daga Air Peace da daya daga Max Air za su gudanar da aikin kwashe mutanen.
Subscribe to Our VIP Newsletter
[newsletter_signup_form id=1]
