Kungiyar kwadago ta Najeriya NLC, ta roki gwamnatin tarayya da ta tilasta wa Gwamna Bello Matawalle, Gove. Ben Ayade da sauran gwamnonin da ke bin mafi karancin albashi na kasa aiwatar da shi ba tare da bata lokaci ba.
Shugaban kungiyar kwadago ta NLC, Mista Ayuba Wabba ne ya yi wannan kiran a gun taron kungiyar kwadago ta kasa da kasa karo na 110 da ke gudana a birnin Geneva na kasar Switzerland ranar Asabar.
Wabba yana ba da cikakken bayani game da batutuwan da suka shafi ma’aikatan Najeriya ga kwamitin kwararru na ILO, kan aikace-aikacen tarurruka da shawarwari.
Kamfanin Dillancin Labarai na kasa, NAN, ya ruwaito cewa, da zarar wata kasa ta amince da yarjejeniyar ILO, ana bukatar ta rika bayar da rahoto akai-akai kan matakan da ta dauka na aiwatar da shi.
Wabba ya ce har yanzu jihohi hudu cikin 36 ba su fara ko aiwatar da mafi karancin albashin ma’aikata na kasa ba tun shekarar 2019 da Gwamnatin Tarayya ta fara aiwatar da albashin ma’aikata a kasar nan.
A cewarsa, mafi karancin albashi doka ce da kuma babban taron da gwamnatin Najeriya ta amince da shi.
Subscribe to Our VIP Newsletter
[newsletter_signup_form id=1]
