Gwamnatin Sweden za ta baiwa duk wani baƙin hauren da zai koma ƙasarsa Dala dubu 34

A ranar Alhamis ce Gwamnatin Sweden ta sanar da cewa za ta ɗauki wasu matakai domin rage yawan baƙin haure a ƙasar.

Zuwa shekarar 2026, ƙasar ta za ta riƙa biyan duk wani baƙon da zai koma ƙasarsa kronor 350,000 na Sweden ($34,000), kamar yadda hukumar kula da baƙin haure na ƙasar ta bayyana a wata tattaunawa da manema labarai.

“Muna shirin kawo wasu sauye-sauye,” inji Ministan Ma’aikatar Gudun Hijira, Johan Forssell kamar yadda muka kalato daga Daily Trust.

Firaiministan ƙasar mai ra’ayin riƙau, Ulf Kristersson ya ɗauki ƙudurin rage yawan baƙin haure da aika laifuffuka tun bayan ɗarewarsa mulki a shekarar 2022.

Sweden ta samu baƙi da dama tun daga shekarun 1999, yawanci daga ƙasashen da suke fama da yaƙ-yaƙe kamar Yugoslavia da Syria da Afghanistan da Somalia da Iran da Iraq.