Makonni uku a gudanar da zaben gwamna a jihar Osun, gwamnatin jihar ta ayyana ranar Juma’a 24 ga watan Yuni a matsayin ranar da babu aiki, domin baiwa ma’aikatan da har yanzu basu karbi katin zabe na dindindin ba.
A cikin wata sanarwa da gwamnatin ta fitar a ranar Alhamis, ta ce, an samu ci gaban ne domin baiwa dukkan ma’aikatan gwamnati damar karbar katin zabe na PVC, domin samun damar gudanar da aikinsu a zaben gwamna da za a gudanar a ranar 16 ga watan Yuli.
Hakan ya fito ne a wata sanarwa mai dauke da sa hannun sakataren gwamnatin jihar Prince Wole Oyebamiji.
Sanarwar ta kara da cewa: “Gwamnatin jihar Osun ta amince da muhimmancin ma’aikata a tsarin dimokuradiyya, kuma tana sane da cewa, hanya daya tilo da ma’aikata za su iya cimma burinsu na samar da gwamnatin da ta dace da ma’aikata ita ce ta kuri’unsu.
Subscribe to Our VIP Newsletter
[newsletter_signup_form id=1]
