Hukumar tattara kudaden shiga ta jihar Kogi (KGIRS), ta ce, ta rufe cibiyoyin sadarwa na Globacom da Airtel, saboda gaza biyan harajin sama da Naira miliyan 360.
Saidu Okino, darakta mai kula da harkokin shari’a da tabbatar da doka na KGSIRS, ya jagoranci tawagar jami’an tsaro wajen rufe wuraren da ke Dutsen Patti a Lokoja da kuma fadin jihar.
Mista Okino, wanda ya samu wakilcin shugaban sashen tabbatar da tsaro na ma’aikatar kudaden shiga, Abubakar Obori, ya koka da yadda kamfanonin sadarwar biyu suka ki biyan harajin da ya rataya a wuyan jihar.
Ya ce, “Abin takaici ne yadda kamfanonin biyu suka ci gaba da kaucewa biyan bukatunsu ga jihar, kuma sun tara bashin Naira 360,035,000.00,” in ji Mista Okino.
“A bayanin mu, Globacom Nigeria Ltd., jihar Kogi, harajin da ba a biya ba, ya kai Naira miliyan 300,000,000, yayin da na Airtel ya kai Naira miliyan 60,035,000. Waɗannan alawus-alawus na kamfanonin biyu da suka yi kasala wajen biya mun rufe duka kamfanoni”.
Mista Okino ya kara da bayyana cewa, an rubuta “wasiku da dama” ga kamfanonin biyu, domin su kwantar da hankulan su don biyan harajin da suke bin gwamnatin Kogi, “amma ba su taba nuna wata alama ba.
Ya bayyana cewa rufe shafuka da kadarori na kamfanonin sadarwa ya kasance bisa umarnin kotu.
Mista Okino ya gargadi sauran kamfanonin da ke aiki a jihar da su rinka biyan kudaden harajin da ake bin su a kodayaushe, domin kaucewa fushin doka.
Subscribe to Our VIP Newsletter
[newsletter_signup_form id=1]
