Gwamnatin jihar Katsina ta hana duk wani nau’i na manyan tarurruka na addini, zamantakewa da sauran nau’ikan tarukan dare a jihar.
Kwamishinan yada labarai da al’adu, Malam Bala Salisu-Zango ne ya sanar da hakan a wata sanarwa da ya rabawa manema labarai ranar Asabar a Katsina.
Ya ce “wannan haramcin ya hada da manya-manyan tarukan addini da na jama’a sai dai sallar farilla.”
Kwamishinan, ya ce idan aka yi irin wannan taro a cikin sa’o’i na rana, dole ne a samu izini.
“Idan ya zama dole a gudanar da taron, dole ne a nemi izini daga jami’in ‘yan sanda na yankin karamar hukumar inda taron zai gudana.
“Wannan sanarwar tana cikin mafi kyawun maslaha da amincin jama’a,” in ji shi.
Kwamishinan ya ce haramcin ya fara aiki nan take.
Don haka Salisu-Zango, ya bukaci jama’a da su bi ka’idojin sosai, domin masu karya doka za su fuskanci fushin doka.
Subscribe to Our VIP Newsletter
[newsletter_signup_form id=1]
