Ma’aikatar lafiya ta jihar Kano, ta kammala shirin yi wa yara miliyan 3.6 allurar rigakafin cutar shan inna ta novel type 2 ta baki (nOPV2) a wani mataki na mayar da martani ga barkewar cutar poliovirus mai saurin yaduwa a jihar.
A cikin lokaci guda ne dai, ma’aikatar ta kaddamar da shirin makon kiwon lafiyar jarirai da mata masu juna biyu (MNCHW), domin rage yawan mace-macen da ake samu, inda za a kashe sama da Naira biliyan 2.5 wajen gudanar da ayyukan biyu.
Da ya ke jawabi ga manema labarai a ranar Juma’a, kwamishinan lafiya na jihar, Dr. Aminu Ibrahim Tsanyawa ya bayyana cewa, hadaddiyar kamfen na OBRI da MNCHW za su gudana ne a lokaci guda daga ranakun 9 ga Alhamis 13 ga watan Janairu 2022.
Dr. Tsanyawa ya yi bayanin cewa, ingantattun allurar rigakafin cutar shan inna ta zama dole, domin samun nasarar kawar da cutar shan inna ta duniya (GPEI).
Kwamishinan ya yi nadamar cewa shekaru uku bayan da Najeriya ta samu kasar da ba ta da cutar shan inna, an gano bullar cutar shan inna mai nau’in 2 (cVDPV2) a jihohi 13 na tarayyar kasar ciki har da Kano tare da samun mutum 106 da suka kamu da cutar a fadin kananan hukumomin 25.
Dr. Tsanyawa ya kuma yi kira ga iyaye tare da mata masu juna biyu da su yi amfani da wannan damar na samar da lafiyar ƴaƴan su.
Subscribe to Our VIP Newsletter
[newsletter_signup_form id=1]
