An rufe kasuwar Kwanar Gafan da ke ƙaramar hukumar Garun Malam ta jihar Kano, saboda zargin zama matattara karuwai da ƴan luwaɗi da ɓarayi.
Shugaban ƙaramar hukumar, Aminu Salisu Kadawa ne ya tabbatar wa Daily Trust hakan, inda ya ce sun ɗauki matakin ne domin saita kasuwar.
Ya ce an ba ƴankasuwar zuwa ranar 1 ga Janairu, inda ya ce duk wanda ya karya dokar, zai fuskanci hukunci.
Ya ce, “ganin yadda kasuwar ta zama maɓoyar karuwai da ɓarayi da sauran harkokin baɗala, ya zama dole mu rufe kasuwar har sai mama ta gani.”
Sai dai Kadawa ya ce za su sanar da ranar da za a sake buɗe kasuwar.
Subscribe to Our VIP Newsletter
[newsletter_signup_form id=1]
