Gwamnatin Guinea ta saki tsohon shugaban kasar daga gidan yari

Gwamnatin mulkin sojan kasar Guinea ta saki tsohon shugaban kasar, Alpha Conde daga gidan yari tare da sanya shi a gidan sa karkashin kulawar jami’ai.

A ranar Litinin ne DW ta wallafa a shafinta na Facebook cewa wakilinsu a Guinea ya tabbatar da cewa an sako Conde a daren Lahadi.

A ranar 5 ga Satumba 2021, sojojin kasar sun kama Condé a wani juyin mulki bayan da aka yi harbe-harbe a babban birnin kasar ta Conakry.

Kwamandan runduna ta musamman, Mamady Doumbouya ya fitar da wani shiri a gidan talabijin na kasar, inda ya sanar da rusa kundin tsarin mulki da gwamnati.

An rantsar da shugaban mulkin sojan mai shekaru 41, Kanar mai shekaru 41 kuma tsohon abokin hambararren Condé, a wani biki da aka gudanar a fadar Mohamed V da ke babban birnin kasar, Conakry, lamarin da akasarin shugabannin kasashen yammacin Afirka suka kaurace.

Gamayyar shugabannin yankin da ke karkashin kungiyar ECOWAS, ta sanya takunkumi kan ‘yan majalisar mulkin soja da ‘yan uwansu, tare da daskarar da dukiyoyinsu da kuma sanya musu takunkumin tafiye-tafiye.

Subscribe to Our VIP Newsletter

[newsletter_signup_form id=1]