Karamin Ministan tsaro, Dakta Bello Mohammed Matawalle, ya bayyana cewa gwamnati ta tura sojojin ruwa 1000 zuwa Maradun.
A yayin da yake ganawa da mutanen Maradun yayin ziyarar kwanaki shida da ya kai mahaifarsa, Matawalle ya ce, an riga an tura wasika zuwa ga gwamnatin jihar domin daukar mataki na gaba a kan batun.
“Mun tura sojojin ruwa 1000 zuwa Zamfara a wani bangare na kudirinmu na yaki da ta’addanci a jihar,” in ji shi.
A cewarsa, gwamnatin tarayya tana neman gwamnatin jihar ta sauki jami’an sojojin a RUGA.
Ministan ya kuma bayar da umarnin sanya soja a sansanin soji na Maradun domin tabbatar da bude titin Maradun-Magami-Faru da kuma Gora-Jambako har zuwa yankin Kaya.
“Na bayar da umarnin ga sansanin soji na Maradun don yin aiki tukuru wajen kawar da ‘yan ta’adda a wannan yanki ba tare da bata lokaci ba,” in ji Matawalle.
Subscribe to Our VIP Newsletter
[newsletter_signup_form id=1]
