Gwamnan Nasarawa ya jajantawa NNPP bisa rasuwar magoyin bayanta a taron Kwankwaso

Gwamna Abdullahi Sule na jihar Nasarawa a ranar Litinin ya jajanta wa jam’iyyar New Nigeria Peoples Party (NNPP), bisa rasuwar magoya bayanta a wani yamutsi.

Wasu magoya bayan jam’iyyar NNPP sun mutu a wani hatsari a ranar Asabar bayan wani gangamin maraba da dan takarar shugaban kasa na jam’iyyar, Rabi’u Musa-Kwankwaso zuwa jihar.

Sakon na kunshe ne a cikin wata sanarwa dauke da sa hannun babban sakataren yada labaran gwamnan, Ibrahim Adra kuma ya mika wa manema labarai ranar Litinin a Lafiya.

Mista Adra, a cikin sanarwar, ya ce gwamnan ya nuna bakin cikinsa kan hadarin.

“Gwamnan ya bayyana asarar rayukan ‘yan kasa a irin wannan yanayi a matsayin abin bakin ciki kuma ya bukaci jam’iyyun siyasa da magoya bayansu da su yi taka-tsan-tsan a kowane lokaci,” in ji sanarwar.

Sanarwar ta kuma ce gwamnan ya jajantawa iyalai da abokanan wadanda suka rasu da kuma shugabannin jam’iyyar.

Subscribe to Our VIP Newsletter

[newsletter_signup_form id=1]