Gwamnan Kano Abba Kabir Yusif ya aikewa majalisar dokoki da sunayen mutane 6 domin ta amince masa ya nada su a matsayin kwamishinoni a jihar nan.
Da yake karanto wasikar a zauren majalisar, kakakin majalisar Jibril Isma’il Falgore ya ce tantance wadanda gwamnan ya turo da amincewa dasu Idan sun cancanta zai taimaka wajen tafiyar da Mulki cikin sauki.
shugaban masu rinjaye na majalisar Lawan Hussaini Dala ya bayyana cewa ana bukatar dukkanin wadanda aka muka sunayensu su bayyana a gaban majalisar da safe.
Sunayen wadanda aka aikewa majalisar sun hada da Shehu wada Sagagi, tsohon shugaban ma’aikatan fadar gwamnatin Kano, Kwamared Ibrahim Abdullahi Wayya wanda ya yi shura a bangaren fafutukar kare fararen hula a jihar, Dr Isma’il Dan Maraya, Dahiru Mohd Hashim, Dr Injiniya Gaddafi Sani Shehu, Kwamared Abdulkadir AbdulSalam.
Majalisar ta bukaci wadanda aka aike da sunayen nasu dasu gabatar mata da shaidun karatun a yau tare da bayyana a gabanta a safiyar gobe talata domin tantance su.
Subscribe to Our VIP Newsletter
[newsletter_signup_form id=1]
