Gwamna jihar Kano, Abba Kabir Yusuf, ya mayar da martani a karon farko, bayan shafe watanni ana rade-radin tsige sakataren gwamnatin jihar, Abdullahi Baffa Bichi.
Gwamnan, wanda ya yi magana a lokacin da yake rantsar da sabbin sakatarorin dindindin da masu ba shi shawara na musamman a zauren majalisar dokokin jiha a ranar Talata, ya ce babu wata farfaganda da za ta hana gwamnatinsa cimma burinta.
Ya ce, wasu na ta jita-jita cewa sun samu sabani da sakataren gwamnati, kuma wannan zancen shaci fadi kawai.
Kuma koyaushe suna ƙoƙarin haifar da jita-jita don haifar da tashin hankali a gwamnatinsa.
Gwamnan ya bayyana cewa a halin yanzu Abdullahi Baffa Bichi, yana samun sauki daga rashin lafiyar da yake fama da ita, kuma da zarar ya dawo zai karbi ragamar aikinsa inda ya tsaya.
Subscribe to Our VIP Newsletter
[newsletter_signup_form id=1]
