Gwamnan Kano ya kaɗa kuri’a a zaɓen ƙananan hukumomi

Gwamnan jihar Kano Abba Kabir Yusuf, ya kaɗa ƙuri’arsa a zaɓen ƙananna hukumomin jihar da ke guda.

Abba Kabir ya kaɗa ƙuri’ar ne a rumfar zaɓensa ta Chiranci a mazaɓar Diso ta ƙaramar hukumar Gwale.

Yayin da yake jawabi bayan kaɗa ƙuri’ar, gwamnan ya ce zaɓn na gudana cikin kwanciyar hankali.

Jam’iyyar APC mai hamayya a jihar dai ba ta shiga zaɓen ba.