Gwamnan Gombe ya mika sakon ta’azziya ga tsohon kakakin majalisa

Gwamna Inuwa Yahaya na jihar Gombe, ya yi alhinin rasuwar tsohon kakakin majalisar dokokin jihar, Nasiru Nono, wanda ya rasu ranar Alhamis a wani mummunan hatsarin mota da ya rutsa da su a hanyar Abuja zuwa Keffi.

A cikin wata sanarwa daga Ismaila Uba-Misilli, Darakta-Janar, hulda da manema labarai na gidan gwamnatin Gombe, Yahaya ya bayyana alhininsa game da mutuwar Nono.

Yahaya ya bayyana rasuwar Nono a matsayin babban rashi ga iyalansa, Gombe da Najeriya baki daya.

Karanta Wannan: Na ci zabe na ba tare da Peter Obi ba – Zababben gwamnan Abia

Ya ce marigayi tsohon dan majalisar ya gudanar da aikinsa na majalisar ne da “hankali, tsantseni da sanin yakamata a lokacin da yake shugabancin majalisar dokokin jihar kuma ya samu karramawa da biyayya daga abokan aikinsa.

Sai dai ya roki Allah Madaukakin Sarki da ya jikan marigayiyar Aljannar Firdausi.

Subscribe to Our VIP Newsletter

[newsletter_signup_form id=1]