Gwamna Francis Nwifuru na jihar Ebonyi, ya amince da daukar sama da daraktoci, ma’aikatan jinya da sauran ma’aikata sama da 195, domin magance matsalolin lafiya a manyan asibitoci 13 da ke jihar.
Nwifuru ya bayyana hakan ne cikin wata sanarwa da ya sanyawa hannu kuma ya raba wa manema labarai a Abakaliki ta hannun babban sakataren yada labaran sa, Monday Uzor, ranar Lahadi.
Sanarwar ta kara da cewa: “Gwamnan jihar Ebonyi, Francis Nwifuru ya amince da daukar ma’aikatan lafiya cikin gaggawa a manyan asibitoci goma sha uku na jihar.”
Ya bayyana cewa daukar aikin ya kunshi; Likitoci 39, ma’aikatan jinya 39, masana kimiyyar dakin gwaje-gwaje 39, masu hada magunguna 39 da ma’aikatan lafiya 39.
Nwifuru ya umurci shugaban ma’aikata da kuma shugaban hukumar kula da ma’aikata da su gaggauta fara aikin daukar kwararrun ma’aikatan lafiya don cike guraben da ake da su.
Subscribe to Our VIP Newsletter
[newsletter_signup_form id=1]
