Hukumar kashe gobara ta jihar Kwara, a ranar Laraba, ta ceci wani gini mai shaguna 15 daga wata gobara da ta kama a Ilorin, babban birnin jihar.
Lamarin ya faru ne da misalin karfe 10:49 na dare a tsohuwar sakatariyar NYSC da ke kan titin Tanke, Ilorin.
A cewar mai magana da yawun hukumar kashe gobara ta jihar, Hassan Adekunle, daya “Mista Muhammad Abdullahi, yayi gaggawar kiran Brigade wurin da lamarin ya faru da misalin karfe 22:49 na safe (10:49pm) na daren jiya.”
Karanat Wannan: Ba a tantance asarar da gobara ta yi ba a ofishin ‘yan sandan Kano
Ya ce, jami’an kashe gobara sun samu nasarar kashe wutar da ta tashi a kan lokaci.
Hassan ya ce, a cikin shaguna 15 da ke ginin, guda biyu ne kawai gobarar ta shafa, sakamakon wutar lantarki.
Daraktan hukumar kashe gobara ta jihar Kwara, Prince Falade John Olumuyiwa, ya bukaci jama’a da kada su yi kasa a gwiwa wajen kiran hukumar kashe gobara a kan lokaci a duk lokacin da aka samu gobara a yankunansu, domin hakan zai iya ceton rayuka da dukiyoyin jama’a a jihar. .
Subscribe to Our VIP Newsletter
[newsletter_signup_form id=1]
