Gobara ta kone wani katafaren shago a karamar hukumar Hadejia a jihar Jigawa.
Wani mazaunin garin ya shaidawa, cewa lamarin ya faru ne da safiyar Lahadi, inda ya lalata shaguna da dukiyoyi na miliyoyin naira.
Kakakin hukumar tsaron farin kaya ta Najeriya NSCDC a jihar, CSC Adamu Shehu, ya tabbatar da faruwar lamarin a wata sanarwa da ya raba wa manema labarai.
A cewar sa, lamarin ya faru ne a ranar Lahadi da misalin karfe 3:00 na safe a Nane Plaza da ke kan titin Kano Hadejia.
Ya bayyana cewa shaguna 28, motoci biyu, da kuma babura biyu da aka ajiye a cikin harabar filin da lamarin ya shafa.
Adamu ya ce ba a yi asarar rai ba, amma gobarar ta cinye dukiyoyi na miliyoyin Naira.
Ana binciken musabbabin faruwar lamarin.
Subscribe to Our VIP Newsletter
[newsletter_signup_form id=1]
