Gobara ta tashi a kasuwar GSM dake karamar hukumar Hadejia a jihar Jigawa ranar Juma’a.
Kakakin hukumar tsaro ta (NSCDC), CSC. Adamu Shehu, ya tabbatarwa da faruwar lamarin ga manema labarai.
Ya ce lamarin ya faru ne da misalin karfe 10:30 na safe, a rukunin shagunan Na Malam Zangi Shopping Complex, Bakin Kasuwa, Unguwar Matsaro daura da Shagon Sambajo, Babban Kasuwar Hadejia.
Adamu ya ce gobarar ta kone shagunan waya guda uku, da rumfa, da kuma wani bangare na wani masallaci a yankin.
Ya ce ba a san musabbabin tashin gobarar ba amma wani ganau ya ce gobarar ta tashi ne sakamakon wata tartsatsin wutar lantarki da ke kusa da daya daga cikin shagunan.
Duk da haka, an kashe gobarar ne don hana ci gaba da ruruwa ta hanyar haɗin gwiwar ƙungiyar masu ba da agajin gaggawa ta NSCDC, ma’aikatan kashe gobara da mazauna yankin.
Ya ce ba a samu asarar rayuka ba amma gobarar ta cinye dukiyoyi da kuma dukiya ta miliyoyin naira.
Subscribe to Our VIP Newsletter
[newsletter_signup_form id=1]
