Wasu yara kanana biyu sun nutse a wani ruwa na dam din da ke Rayfield Resort a Jos, jihar Filato a karshen makon da ya gabata.
Rahotannin da aka samu ga manema labarai sun yi ikirarin cewa, yaran sun nutse ne a lokacin da suke kokarin dauko daya daga cikin warin takalmin abokinsu da ya fada cikin dam din.
An bayyana wadanda harin iftila’in ya rutsa da su da Michael Nyam mai shekaru 8 da kuma Iliya Solomon 6.
Naija News ta gano cewa, an gano gawarwakin yaran kuma an binne su.
Da yake bayyana abun da ya faru, Gyang Pwol ya shaidawa manema labarai cewa, wadanda abin ya shafa dukkansu mazauna unguwar Rayfield ne.
Ya ce: “Sun yi tsalle cikin ruwan mai zurfi da ke cikin dam din, domin ceto wani takalmi na abokinsu, abin takaici, yawan ruwan ya yi yawa. Kafin a kawo musu taimako, sun nutse cikin ruwan,” in ji shaidar.
Subscribe to Our VIP Newsletter
[newsletter_signup_form id=1]
