Gwamnan jihar Kano, Dr. Abdullahi Ganduje, ya gabatar da kudirin kasafin kudi na Naira biliyan 245.3 ga majalisar dokokin jihar na shekarar 2023.
Wanda aka yiwa lakabi da Budget for Consolidation and Prosperity II, kididdigar sun haura Naira biliyan 49, sama da kasafin kudin 2022, kuma za a bi su ne ta hanyar kason kudi, tallafi, lamuni da IGR.
A shekarar da ta gabata Ganduje ya gabatar da sama da Naira Biliyan dari da casa’in da shida (N196b) ga majalisar dokokin jihar Kano, na shekarar 2022.
Kudirin kasafin kudi na shekarar 2023 da aka gabatar yana da Naira biliyan 144.6 a matsayin babban kashe kudi wanda ke wakiltar kashi 59 cikin 100 na jimillar kasafin kudin, yayin da kudaden da ake kashewa akai-akai a cikin kudirin da aka gabatar ya kai sama da Naira biliyan 100, wanda ke wakiltar kashi 41 cikin 100 na girman kasafin.
Kunshin kasafin dai shi ne na karshe na irin wannan gabatarwar da Ganduje ya yi a gaban majalisar dokokin jihar, domin a watan Mayun shekara mai zuwa ne ake sa ran zai mika mulki.
Subscribe to Our VIP Newsletter
[newsletter_signup_form id=1]
