Ministan harkokin cikin gida, Rauf Aregbesola, ya ce, hukumar kula da gyaran hali na ci gaba da neman fursunoni 3,906 da suka tsere yayin harin da aka kai a cibiyoyin gyaran jiki a Edo.
Kimanin fursunoni 4,369 ne suka tsere daga cibiyoyin a shekarar 2020, sakamakon hare-haren da ‘yan bindiga suka kai.
Sai dai ministan ya kara da cewa 984 ne kawai aka sake kama su.
Aregbesola ya bayyana haka ne a wajen bude taron kwana biyu ga manyan jami’an hukumar a jihar Sokoto.
Ya ce dabarun da shawarwarin da za a bi wajen ja da baya ya kamata su kasance su ta’allaka ne kan hanyoyin da za a bi don kwato duk fursunonin da suka tsere don kare al’umma.
Ministan ya nuna rashin jin dadinsa game da mummunan tasirin da zanga-zangar ta #EndSARS ta haifar wanda daga baya ya rikide zuwa tashin hankali wanda ya kai ga hare-hare a wuraren da ake tsare da su, wanda hakan ya sa ake samun karuwar hare-haren a wuraren.
Subscribe to Our VIP Newsletter
[newsletter_signup_form id=1]
