Wani fursuna daya ya mutu a jiya, yayin da wasu da dama suka samu raunuka yayin da aka yi yunkurin fasa gidan yari a gidan gyaran hali na Fatakwal.
Jami’ar Hulda da Jama’a na Cibiyar Gyaran Halin, Juliet Ofoni, wadda ta tabbatar da faruwar lamarin ga jaridar Guardian a wata tattaunawa ta wayar tarho, ta ce, lamarin ya faru ne a tsohuwar gidan gyaran hali na garin Fatakwal, a karamar hukumar birnin Fatakwal ta jihar Rivers.
Ta bayyana cewa, an fara samun matsala da sanyin safiyar jiya, inda wani fursuna ya mutu sakamakon arangama da wani dan gidan yari.
A cewarta, abokan fursunonin da suka mutu da suka ji haushi sun gudanar da zanga-zanga tare da shirya harin ramuwar gayya a lokacin da hukumomi suka shiga, inda suka yi amfani da barkonon tsohuwa wajen dakile lamarin.
Ofoni, ra ce, wasu fursunonin sun yi amfani da damar da suka samu wajen tayar da tarzoma, inda suka yi yunkurin fasa gidan yari ta hanyar yin katange shingen gidan yarin, amma an harbe su daga wajen harabar gidan yarin.
Ta jaddada cewa wasu daga cikin fursunonin sun samu raunukan harbin bindiga, amma ba a samu asarar rai ba a lamarin.
Subscribe to Our VIP Newsletter
[newsletter_signup_form id=1]
